ورشتك كاملة في جوالك

تفتح التطبيق وتشوف وضع الورشة

أول ما تفتح: كم سيارة في الورشة، كم وحدة متأخرة، مواعيد اليوم، وإيراد اليوم. وتحتها السيارات الجاهزة والمتأخرة عشان تتصرف.

العميل حجز موعد

المواعيد لكل يوم، وتشوف كم موقع عمل محجوز. لما يوصل العميل تضغط «وصل» ويبدأ الاستقبال مباشرة.

استقبال السيارة

تكتب اللوحة أو جوال العميل، يطلع لك العميل وسيارته. لو جديد تضيفه في نفس اللحظة. بعدها:

• قراءة العداد ومستوى البنزين
• صور السيارة من كل جهة، وتحدد أي خدش على الرسم
• شكوى العميل وموعد التسليم

أمر العمل: كل شي عن السيارة في مكان واحد

شريط يوضح وين وصلت السيارة، واسم العميل مع زر اتصال وواتساب، والمبلغ والمتبقي، ومنه تدخل للفحص والتقدير والقطع والحساب. وتحت: مهام الفنيين وصور الاستقبال.

الفحص

قائمة فحص لكل سيارة: جيد، انتباه، عاجل. اللي يحتاج إصلاح تضيفه للتقدير بضغطة.

التقدير وموافقة العميل

بنود قطع وأجرة يد، ضروري أو موصى به، والضريبة محسوبة. ترسله للعميل بالواتساب أو تعرضه عليه وهو عندك، وتسجل موافقته كاملة أو على بنود معينة.

القطع للسيارة

تطلب القطعة من المخزون، وتنحجز للسيارة، وتنصرف للفني. لو مو موجودة تبقى «مطلوبة» لين توصل.

الدفع والتسليم

كشف حساب بكل البنود والضريبة، تسجل الدفعة (مدى، نقد، تحويل) ويطلع إيصال. وعند التسليم تكتب العداد وموعد الصيانة الجاية، وتبلغ العميل بالواتساب أن سيارته جاهزة.

قائمة «المزيد»

كل قسم أيقونة واضحة. ومنها تبدّل الفرع، وتبدّل اللغة للإنجليزي.

لوحة الورشة والفنيين

كل السيارات مقسّمة حسب مرحلتها، وقائمة الفنيين وكم مهمة مفتوحة عند كل واحد.

العملاء وسجل كل سيارة

كل عميل وسياراته، ولكل سيارة سجل كامل: زياراتها السابقة، وقراءات العداد، وتذكير الصيانة.

المخزون

كل قطعة: كم بالمخزن، كم محجوز لسيارات، كم متاح. والقطع اللي قربت تخلص تطلع عليها علامة «منخفض».

التقارير

اليوم، آخر 7 أيام، أو الشهر: الإيراد، السيارات المسلّمة، التحصيل حسب طريقة الدفع، أداء كل فني، المشتريات والمصروفات، والرواتب.

الإعدادات والسجل

اسم الورشة والضريبة والفروع وساعات العمل. وتصدير البيانات ملف Excel، واستيراد العملاء. وسجل يوضح مين غيّر وش ومتى.

الموردين وفواتيرهم

نوعين فواتير:

• بضاعة وقطع: تدخل المخزون تلقائيًا
• مصروف أو خدمة: شغل خارجي، إيجار، كهرباء…

تصوّر الفاتورة وتحفظها، وتدفع كامل أو جزء، ويطلع لك المتأخر.

الرواتب والسلف

لكل موظف راتبه وبدلاته. كل شهر يطلع مسيّر فيه الجميع، تضيف الإضافي والخصم وخصم السلفة، تعتمده، وتصرف بضغطة.

تختار الدور

من بطاقة «الدور» في «المزيد».

الفني

يفتح على «مهامي»: السيارات اللي يشتغل عليها، ويبدأ المهمة ويكملها ويسوي الفحص ويطلب القطع. ما يشوف أسعار ولا حساب العميل.

المحاسب، وأمين المخزن، وموظف الاستقبال

كل واحد له شاشة رئيسية خاصة فيه: المحاسب يشوف الإيراد والمستحق للموردين والرواتب، وأمين المخزن يشوف القطع اللي تحتاج طلب، والاستقبال يشوف الورشة بدون الأرقام المالية.